يايعربي عندي طلب والهرج مابعد الطلب
لاتعتقد اني بليد وما تجاوب مطلبي
خلك على غنوه وعلى هاي وقنوات الطرب
واستمتع بأحلى صبايا وهز رسك واطربي
خلك كذا حيوان من صيّاده الجائر هرب
دام الذكا عندك غبا خلك على ما انتا غبي
ليّا يازمن وانا ادور للوقاحه عن سبب
لين السبب جاني على نار القوافي يلهبي
لوعدت وعديتها يحرم عليّا ذا الشنب
وانا ولد ارضن لها بافعالها مجدن ابي
غزه وش الغزه واذا من دمك الطاهر شرب!
لاتحسبي في جيل هيفا من يثور ويغضبي
احنا نولول في مسيرات وشعارات وخطب
وهوّا يمزمز في عظام اطفالش ويشبع سبي
ماصرتي ابعين الثواني غير كومه من حطب
وسكوتنا كبريت في يد الذي بك يلعبي
لين الكرامه اصحبت احساس عنّا اغترب
لنّه خُلق ضد الحبي واحنا سلاطين الحبي
واكبر مثل( ##) تبت ايدينه وتب
وازيدها تبه وتبه واااتفاخر بالتّبي
كنا نحسّبه الاصيل وخاب ضن اللي حسب
لا ماطلع غير العميل الي ورانا يختبي
ياامة المليار حالش ينعجب منه العجب
لا والعجب زاده عجب انك رفضتي تعجبي
قولي متى صرتي كذا لعبه بيد اللي غلب
تمشي مع هذا وذا لين الطهاره تُسلبي
قولي متى صرتي اذى لعينش انغلب
قولي متى صرتي شذى للي طموحك يغلبي
ماباقي الا الصوم في رمضان يصبح في رجب
ولا اذان الحج في كيف الرئيس الاجنبي
غزه انا جيتش ووجهي من شحب وجهك شحب
حتى معي وجه الدفاتر من شحوبش تشحبي
لالاتنادي ياعرب لن العرب صاروا جرب
عز العرب كانوا عرب عصر الخلافه والنبي
احنا عرب الفين والواجب نجي داخل علب
ونباع في سوق المذله لليهود ومن يبي
لا والبلا فينا رجال وكونوا الرقم الصعب
وافعالهم وقت الشدايد للشدايد تحسبي
لووقفو وقفة رجل واستحضروا جن الغضب
لابو بني صهيون لابو الي وراها يختبي
غزه عزيزه والعزيز يزيد عزه لا انضرب
يكفي بان أكبر شنب فينا بارضك كالصبي
يكفي بانك لا رئيتي الطايره تقذف لهب
شمرتي بصدرك وقلتي للشهاده أرحبي
